Plantun de Prouvènço

Pèr coumpara dos planto d'encò nostre

Potentilla neglecta & Juncus tenageia

Potentilla neglecta

Rosaceae

Nom en français : Potentille négligée.

Descripcioun :
Lou fragoun-neglegi es uno planto que sèmblo forço au fragoun-argenta Potentilla argentea e souvènt discouneigu au nostre. D'efèt èi bèn dre e cubert de péu blanc aleva lou dessubre di fueio. Se destrìo de soun cousin majamen emé si fueio di cinq partido facho de forço dènt (9 à 33) sarrado (fotò). Li péu podon èstre eici long de mai de 0,5 mm o crespu. Coumpara emé lou fragoun-argenta que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 60 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Potentilla
Famiho : Rosaceae

Ordre : Rosales

Coulour de la flour : Jauno
Petalo : 5
Ø (o loungour) flour : 9 à 12 mm
Flourido : Printèms - Estiéu

Sòu : Si
Autour basso e auto : 0 à 2200 m
Aparado : Noun

Liò : Tepiero sablouso - Roucaio - Terraire safrous
Estànci : Subremediterran à Subaupen
Couroulougi : Éurasiatico
Ref. sc. : Potentilla neglecta Baumg., 1816

Tèsto-rousso

Juncus tenageia

Juncaceae

Noms en français : Jonc des marais, Jonc des vases.

Descripcioun :
La tèsto-rousso es un jounc prim que trachis dins li mueio e li relarg bagna. Li flour soun souleto, pichoto e bruno coume li fru. De nouta que i'a d'auriheto bèn marcado sus la fueio d'en aut à la limito dóu pecou e dóu limbo (fotò). Ei pas uno meno proun coumuno, aleva dins li relarg safrous coume en Prouvènço séusouso.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 30 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Juncus
Famiho : Juncaceae

Ordre : Poales

Coulour de la flour : Brunello
Petalo : 6
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 1700 m
Aparado : Noun

Liò : Palun - Ribiero - Mueio
Estànci : Termoumediterran à Mountagnard
Couroulougi : Pancaro entresigna
Ref. sc. : Juncus tenageia Ehrh. ex L.f., 1782

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Potentilla neglecta & Juncus tenageia

ges

Coumpara Fragoun(-neglegi) emé uno autro planto

Coumpara Tèsto-rousso emé uno autro planto